Një ngjarje e rëndë është shënuar mëngjesin e sotëm pranë kinema Republika në Shkodër, ku një person i moshuar ka rënë nga kati i dytë i një pallati. Në vendin e ngjarjes kanë mbërritur menjëherë shërbimet e Policisë, si dhe ambulanca. I moshuari është transportuar me urgjencë drejt spitalit të Shkodrës, ku po merr ndihmën mjekësore. Mësohet se ai ka pesuar frakturë në këmbë dhe është nën kujdesin e mjekëve në gjendje të stabilizuar shëndetësore. Policia ka nisur verifikimet për të zbardhur rrethanat e ngjarjes.
