Teatri “Migjeni” i Shkodrës është rikthyer nga festivali KoKo Fest në Korçë me një sukses të rëndësishëm, duke triumfuar me shfaqjen “Gomerët e Trojeve” dhe duke fituar tre çmime.
Juria e festivalit ka vlerësuar me çmime të veçanta artistët dhe realizuesit e shfaqjes, duke i akorduar:
- Çmimin “Artistja e Re më e Mirë” – Altea Lazaj
- Çmimin “Aktorja më e Mirë Joprotagoniste” – Ina Morinaj
- Çmimin “Regjia më e Mirë” – Gent Bejko
Ky vlerësim përbën një tjetër sukses për Teatrin “Migjeni” dhe një moment krenarie për artin dhe kulturën shkodrane.
Përfaqësues të teatrit kanë shprehur kënaqësinë dhe krenarinë për këtë arritje, duke e cilësuar suksesin si rezultat të punës së përbashkët të artistëve, stafit dhe të gjithë bashkëpunëtorëve që kontribuuan në realizimin e projektit.
“Gomerët e Trojeve” dëshmon edhe një herë potencialin artistik të Teatrit “Migjeni”, duke marrë vlerësime në një prej aktiviteteve të rëndësishme teatrore në vend.
