Prokuroria e Posaçme ka zhvilluar një tjetër operacion kundër mashtimeve në call centera në Tiranë.
Sipas informacioneve operacioni është zhvilluar nga agjentët e Byrosë Kombëtare të Hetimit në bashkëpunim me Policinë e Shtetit dhe autoritetet franceze, në afërsi të rrugës “Sami Frashëri”. Gjatë këtij operacioni është shoqëruar një punonjës policie, ndërsa deri në këto momente nuk është bërë i ditur identiteti. Mësohet se ai ishte punonjës në komisariatin nr. 1 në kryeqytet. Atij i është marrë telefoni si dhe është kryer kontroll në banesën e tij.
Në kërkim jane shpallur pronarët e Call Center-it, ndërsa gjatë kontrollit janë gjetur shumë kompjutera, telefonë, dokumente me të dhëna operatorësh, si dhe të dhëna në lidhje me viktimat e huaja që kanë rënë pre e mashtrimeve.
