NJOFTIM | PLAN I RI MASASH PËR MENAXHIMIN E TRAFIKUT
Në kuadër të planit të masave për përmirësimin e qarkullimit dhe menaxhimin e trafikut në qytetin e Shkodrës, duke nisur nga data 12 gusht, do të zbatohet një ndryshim në organizimin e lëvizjes së automjeteve.
Segmenti nga Sheshi “Perash” drejt Parrucës dhe anasjelltas, përmes rrugës “Ura Dervishbeg”, do të jetë i hapur për qarkullimin e automjeteve në të dy senset.
Ky organizim synon të lehtësojë lëvizjen, të krijojë alternativa të reja qarkullimi dhe të përmirësojë menaxhimin e fluksit të automjeteve në këtë zonë të qytetit.
Lutemi drejtuesit e mjeteve të respektojnë sinjalistikën rrugore dhe udhëzimet e strukturave përgjegjëse.
Faleminderit për mirëkuptimin dhe bashkëpunimin!
