Autoriteti Kombëtar i Ushqimit në Shkodër do të nisë kontrolle intensive në marketa, tregje, restorante dhe çdo subjekt tjetër gjatë sezonit të dimrit për sa i përket sigurisë ushqimore. Drejtori i AKU në Shkodër Ramir Haderi paralajmëroi subjektet që të respektojnë ligjin si dhe i bëri thirrje qytetarëve që të denoncojnë çdo rast abuziv.
AKU do ketë edhe një marrëveshje ndërinstitucionale në ushtrimin e kontrolleve ku bëjnë pjesë edhe forcat e policies.
Ndërkohë gjatë këtij viti Autoriteti Kombëtar i Ushqimit në Shkodër ka ushtruar 160 kontrolle ndërsa janë konstatuar disa shkelje për të cilat janë vendosur masat përkatëse.
Në prag të festave të fundvitit të cilat po afrohen gjithnjë e më shumë fluksi i vizitorëve vendas por edhe i turistëve si shqiptarëve që jetojnë jashtë vendit shtohet ndjeshëm në Shkodër ndaj edhe AKU do të ketë më shumë kontrolle në mënyrë që të mos ketë probleme me sigurinë ushqimore.
