Ballina Aktualitet Mirënjohje për 3 efektivët e Policisë në Shkodër, mbi 30 vite...

Mirënjohje për 3 efektivët e Policisë në Shkodër, mbi 30 vite kontribut në shërbim të rendit dhe sigurisë

{"tiktok_developers_3p_anchor_params":"{"filter_id":[],"client_key":"awgvo7gzpeas2ho6","template_id":"","capability_key":[],"capability_extra_v2":{}}","source_type":"hypic","data":{"os":"ios","pictureId":"2C56F66D-E1DE-4161-9B50-C496DB53A353","appversion":"9.9.0","activityName":"","enter_from":"enter_launch","playId":"","imageEffectId":"","stickerId":"","infoStickerId":"","product":"hypic","filterId":""}}

Drejtori i Përgjithshëm i Policisë së Shtetit, Drejtues Madhor Skender Hita, ka vlerësuar me Certifikatën e Karrierës, 3 inspektorë të Drejtorisë Vendore të Policisë Shkodër, në shenjë mirënjohjeje për përkushtimin dhe kontributin e dhënë ndër vite në radhët e Policisë së Shtetit.

Në një ceremoni të zhvilluar në ambientet e Drejtorisë Vendore të Policisë Shkodër, zëvendësdrejtori për Rendin dhe Sigurinë i DVP Shkodër, Akil Kalo, shefi i Komisariatit të Policisë Shkodër, Erion Duma, dhe shefi i Burimeve Njerëzore, Vlash Balozi, në emër të Drejtorit të Përgjithshëm të Policisë së Shtetit, iu dorëzuan 3 inspektorëve, certifikatat me motivacionin “Për merita të veçanta dhe kontributin e dhënë gjatë viteve të punës në shërbim të Policisë së Shtetit”.

Inspektor Idriz Rekaj ka shërbyer për 39 vjet në Policinë e Shtetit, inspektor Nikoll Pjetri ka shërbyer për 33 vjet, ndërsa inspektor Dod Lasdushaj ka shërbyer për 32 vjet në Policinë e Shtetit. Gjatë karrierës së tyre, ata i kanë kryer detyrat me përkushtim dhe përgjegjësi, duke kontribuar në garantimin e rendit dhe të sigurisë publike.

Në përfundim të ceremonisë, 3 inspektorët shprehën mirënjohjen për vlerësimin dhe iu uruan kolegëve suksese të mëtejshme në përmbushjen e misionit dhe të detyrave të tyre.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Enable Notifications OK No thanks