Milan është eleminuar në Play Off të Champions League, pas barazimit 1-1 ndaj Feyenoord në Milano. Ekipi italian nuk ia doli dot të përmbyste humbjen 1-0, në aktin e parë.
Takimi nisi “zjarr” për kuqezinjtë, që gjetën epërsinë që në minutën e parë me Gimenez.
Të besuarit e Conceicaos shtuan edhe më shumë presionin dhe u vendosën në kërkim të golit të dytë. Milan mori një goditje të rëndë në fillimin e pjesës së dytë, pasi mbeti me një lojtar më pak, pas daljes me karton të kuq të Theos.
Mysafirët realizuan golin e barazimit me Carranza në minutën e 73-të dhe mbrojtën me fanatizëm rezultatin deri në fund.
Mbyllet këtu rrugëtimi i Milanit në Champions dhe e vetmja gjë që u mbetet është të provojnë sezonin tjetër.
