Me rastin e 82-vjetorit të Çlirimit të Pukës, në Varrezat e Dëshmorëve u zhvillua ceremonia përkujtimore e homazheve në nderim të të gjithë atyre që sakrifikuan jetën për lirinë dhe pavarësinë e vendit. Autoritetet vendore dhe përfaqësues të LANÇ, vendosën kurora me lule pranë obeliskut kushtuar dëshmorëve, në shenjë respekti dhe mirënjohjeje për sakrificën e tyre.
Nënkryetarja e bashkisë Pukë Denisa Meçi vlerësoi kontributin dhe sakrificën e dëshmorëve, duke theksuar rëndësinë e ruajtjes së kujtesës historike dhe përcjelljes së saj te brezat e rinj. Ndërsa në emër të Komitetit të Veteranëve dhe Pasardhësve të LANÇ-it, Pukë, përshëndeti kryetari Gjon Dodaj, i cili solli në vëmendje momentet historike të betejave të Ushtrisë Nacionalçlirimtare dhe rrugëtimin drejt çlirimit të Pukës, më 20 nëntor 1944.
82-vjetori i Çlirimit të Pukës shërben si një moment reflektimi, respekti dhe mirënjohjeje për të gjithë ata që kontribuuan dhe sakrifikuan për lirinë.






