Ballina Politike “Hallin tënd e zgjidh veç Bela”, Veliaj “i lutet” Ballukut: Aprovoni operacionin...

“Hallin tënd e zgjidh veç Bela”, Veliaj “i lutet” Ballukut: Aprovoni operacionin tim në Tiranë, të shkruan ‘socialisti me duar të lidhura’

Kryebashkiaku i Tiranës, Erion Veliaj, i ka drejtuar një letër zv.kryeministres Belinda Balluku, ku i kërkon miratimin e një ndërhyrjeje kirurgjikale në Tiranë, pranë mjekut të tij dhe familjes, duke ironizuar se: “Të gjithë këtu, se “Kryeministri është kot, nuk merr dot më asnjë vendim” dhe se “hallin tënd e zgjidh veç Bela”.

Në letrën e tij, Veliaj shkruan se prej një muaji ndodhet në izolim në IEVP Fier, me këmbën e thyer dhe në nevojë urgjente për operacion.

Ai pretendon se kërkesat e mëparshme drejtuar kryeministrit Edi Rama, ministrit të Drejtësisë Ulsi Manja/Gogu dhe drejtoreshës së Burgjeve nuk kanë marrë përgjigje.

Letra e plotë: 

Znj. Balluku – Dr. e Qarkut Fier,

Siç dihet publikisht, por edhe nga vartësit tuaj në IEVP Fier, po e kaloj izolimin ku më sollët para 1 muaji, me një këmbë të thyer dhe nevojë akute për operacion – kjo të paktën nuk është “sekret”.

Kërkesat e njëpasnjëshme në qeveri tek KM Rama, Min. Gogu dhe drejtoresha e Burgjeve kanë rënë në vesh të shurdhër.

Është evidente ajo që thonë të gjithë këtu, se “Kryeministri është kot, nuk merr dot më asnjë vendim” dhe se “hallin tënd e zgjidh veç Bela”. Ndaj, po dorëzohem edhe unë si gjithë shqiptarët e socialistët e po vij tek ju në ditën e Pranisë Besnike.

Ju kërkoj të aprovoni operacionin tim në Tiranë, pranë mjekut tim dhe familjes sime.

Socialisti “me duar të lidhura”.

Erion Veliaj

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Enable Notifications OK No thanks