Boga dhe Thethi do të jenë sërish në sitën e IKMT, që ka zbritur këtë të hënë në dy zonat turistike për prishje ndërtimesh pa leje. Aksioni prek ndërtime të bëra kohet e fundit, ku sipas IKMT janë në total 5 objekte në të dy fshatrat. Megjithatë lista mund të zgjerohet pasi paralelisht po kryhet nje verifikim i plotë i territorit, pasi shtëpitë alpine për pritjen e turisteve janë shtuar ndjeshëm këto muaj në zonë. Aksioni po përseritet ngjashëm me ate të një viti më parë kur u ndërmor në mes të sezonit turistik, që u kundërshtua me force nga banorët dhe pronaret e bujtinave. Një aksion i ngjashëm parashikohet të ndermerret edhe në lumin e Shalës dhe Koman.
