Këshilli i Qarkut Shkodër zhvilloi mbledhjen e radhës, ku miratoi me unanimitet të gjitha pikat e rendit të ditës. Nën drejtimin e kryetarit Edmond Ndou, këshilltarët i dhanë dritën jeshile: Miratimit të tavaneve përfundimtare të Programit Buxhetor Afatmesëm 2026-2028, për Këshillin e Qarkut Shkodër, një hap i rëndësishëm drejt planifikimit strategjik dhe eficiencës buxhetore për vitet në vijim. Ndryshime në Vendimin e Këshillit të Qarkut nr. 26, datë 20.12.2024, mbi buxhetin e vitit 2025 dhe Programin Buxhetor Afatmesëm përfundimtar 2025-2027. Miratimi i marrëveshjes për krijimin e personit juridik si subjekt i kompetencave të përbashkëta, ndërmjet njësive të vetëqeverisjes vendore dhe Këshillit të Ministrave për ngritjen e Akademisë së Trajnimit të Njësive të Vetëqeverisjes Vendore të Shqipërisë (TALGA) – një iniciativë për forcimin e kapaciteteve lokale. Miratimi i raportit të monitorimit të zbatimit të buxhetit për periudhën 8-mujore Janar-Gusht 2025, për Këshillin e Qarkut Shkodër.
Këshilli i Qarkut Shkodër rikonfirmon angazhimin e tij për të vijuar punën në funksion të zhvillimit të qëndrueshëm rajonal, forcimit të qeverisjes vendore dhe rritjes së transparencës ndaj qytetarëve.
