Ndërsa sezoni turistik dhe pushimet verore zhvendosen vëmendjen publike te plazhi dhe udhëtimet, urdhëri i kryeministrit Edi Rama për dorëheqjet dhe zëvendësimet në bashki ka mbetur pezull. Disa prej dorëheqjeve të drejtuesve vendorë u kaluan në heshtje, pa njoftime zyrtare dhe pa caktuar pasuesit e tyre. Në raste të tjera, procesi është shtyrë, duke lënë të paqartë se kush do të marrë drejtimin e tyre.
Ultimatumi i Ramës, i shpallur si një akt “pastrimi” dhe riorganizimi në pushtetin vendor, nuk po zbatohet me ritmin e paralajmëruar si në bashkinë Shkodër, ashtu edhe në Malësi të Madhe dhe Vau Dejës. Kryetarët e bashkive, të cilët duhej të kishin bërë publike emrat e rinj të ekipit drejtues, po shmangin transparencën dhe po zgjedhin ta lënë situatën të ngrirë. Burime brenda administratës vendore flasin për një “fasadë” me lëvizje paralele, ku ndryshimet njoftohen vetëm pjesërisht, ndërsa në prapaskenë vijon pazari për pozicionet kyçe.
Kështu, verës së pushimeve dhe plazhit i është shtuar edhe vera e pezullt e pushtetit vendor, ku vendimmarrja duket e lënë në hije, përballë një ultimatumi që ende nuk ka marrë formë konkrete.
