Drejtoria Vendore e Policisë Shkodër
Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi penal për shtetasit:
-E. K., 26 vjeç, pasi gjatë kontrollit në lokalin që ai administron, në lagjen “Vasil Shanto”, u konstatua muzikë jashtë orarit të lejuar, dhe moslëshim i faturave tatimore për klientët;
-A. S., 50 vjeç dhe L. K., 35 vjeç, të dy banues në Shkodër, pasi kanë kryer punime ndërtimi, pa leje.
Specialistët e Sektorit të Qarkullimit Rrugor referuan materialet në Prokurori, pasi dje, në aksin “Lotaj-Breg Lumi”, shtetasi B. C., 38 vjeç, duke drejtuar automjetin, dyshohet se për shkak të një dëmtimi në sistemin e frenimit, ka humbur kontrollin dhe si pasojë automjeti është përmbysur. 38-vjeçari ndodhet në kujdesin e mjekëve, jashtë rrezikut për jetën.
Specialistët për Hetimin e Krimeve të Komisariatit të Policisë Shkodër referuan materialet në Prokurori, për vlerësim, për 2 raste, pasi dje:
-janë dëmtuar aksidentalisht shtetasit N. Gj., 49 vjeç, dhe B. Gj., 37 vjeçe, duke kryer disa punime me gaz në banesën e tyre. Këta shtetas janë në kujdesin e mjekëve, jashtë rrezikut për jetën;
-në afërsi të një pallati, në lagjen “Tre Heronjtë”, është dëmtuar aksidentalisht pasqyra e automjetit në pronësi të shtetasit E. Z.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
