“Panairi i verës” me prodhime bujqësore, blegtorale e artizanale të zonës, si dhe inskenimi i dasmës së Gjergj Kastriotit Skëndërbeu me Donika Arianitin në Kishën e Shën Mërisë, çelen zyrtarisht sezonin turistik veror në bashkinë Vau Dejës.
Një ngjarje që 574 vite më parë do të kurorëzohej në këtë kishë të lashtë, që regjimi komunist e rrafshoi me tritol. Për drejtuesit vendorë dhe miqtë e ftuar, ngjarje të tilla promovojnë zonën dhe i japin turizmit një tjetër dimension.
Kisha e Shën Mërisë ku mendohet se mund të jetë vendi ku Skenderbeu kurorëzoi dashurinë e tij me Donikën, u ndërtua në shekullin e XIII. Ajo kishë ishte e vetmja e stilit romak që ruhej në Shqipëri derisa komunizmi e shembi me tritol në vitin 1967 duke sjellë kështu një humbje të madhe të trashëgimisë kulturore.
