Një ngjarje shqetësuese ka tronditur qytetin e Lezhës, ku një 30-vjeçar dyshohet se ka shkelur rëndë privatësinë e së fejuarës së tij, duke vendosur pajisje përgjimi në banesën e saj. Specialistët e Seksionit për Hetimin e Krimeve referuan materialet në Prokurori, e cila ka nisur procedim penal ndaj shtetasit N. K., banues në Lezhë, për veprën penale “Ndërhyrje të padrejta në jetën private”.
Materialet procedurale i janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.
