Një aksident i rëndë ka ndodhur pak minuta më parë në lagjen “Partizani” të Shkodrës, pranë shkollës “Skënderbeg”.
Sipas të dhënave paraprake, dy të rinj që udhëtonin me motor janë goditur nga një automjet, i cili më pas është larguar nga vendi i ngjarjes.
Njëri prej të rinjve ka pësuar dëmtime të rënda dhe është dërguar menjëherë me autoambulancë në Spitalin Rajonal të Shkodrës, ku gjendja e tij raportohet kritike. Ende nuk ka informacion për gjendjen shëndetësore të të riut tjetër.
