Drejtori i Policisë së Shtetit, Ilir Proda së bashku me përfaqësues të Guardia Di Finanza kanë dalë sot në një konferencë të përbashkët lidhur me monitorimin nga ajri të territorit në kuadër të luftës kundër kultivimit të bimëve narkotike. Sipas të dhënave të publikuara nga maji 2024 janë kryer 62 misione fluturimi nga Guardia di Finanza dhe janë asgjësuar 191 mijë bimë narkotike. “Të gjitha koordinatat e GF janë verifikuar me policia e shtetit. Janë 103 zyrtarë vendorë të proceduar penalisht për shpërdorim detyre dhe moskallëzim krimi”, u deklarua më tej. Kreu i policisë Ilir Proda tha se kemi përqëndruar punën në luftën kundër kultivimit të lëndëve narkotike në ambienteve të brendshme, teksa ka shtim të rasteve në ambiente të mbyllura.
Giampiero Ianni nga Guardia Di Financa tha se bashkëpunimi me Policinë Shqiptare janë arritur rezultate të shkëlqyera. “Rezultate të shkëlqyera edhe këtë vit të arritura, nëpërmjet veprimtarisë së mbikëqyrjes nga ajri, më bën të falënderoj Policinë Shqiptare për bashkëpunimin. Operacioni ka nisur nga 1 maj-31 tetor, ku janë mbuluar të gjitha fazat e fenomenit. Lufta ndaj narkotikëve një bashkëpunim me rëndësi.”, tha ai. Kreu i Policisë Shqiptare, Ilir Proda theksoi se nga maji i vitit 2024 janë kryer 62 misione fluturimi nga Guardia di Finanza, ndërsa janë asgjësuar 191 mijë bimë narkotike.
