Shkodra mikpriti në një mbrëmjeje të veçantë muzikore, kryeveprën e Antonio Vivaldit, “Katër Stinët”. Koncerti u mbaj në Kishën e Shën Françeskut, Gjuhadol, dhe solli tingujt magjikë të muzikës baroke për të gjithë adhuruesit e artit.
Orkestra e njohur “Albanian Chamber Orchestra, nën drejtimin e violinistes virtuoze Abigeila Voshtina, solli një interpretim të jashtëzakonshëm të kësaj vepre ikonike.
Ngjarja është pjesë e programit “Simfoni Pranverore” dhe vjen si një iniciativë për të promovuar artin dhe kulturën.
Shqipëria duhet të ketë strategjinë e saj të mbështetjes së muzikës klasike, që ajo të jetë një potencial turizmi sic e ka Venezia.
I frymëzuar nga pikturat e peizazhit të artistit italian, Marco Ricci, Antonio Vivaldi kompozoi “Katër stinët” afërsisht në mes 1720 dhe 1723 dhe botoi ato në Amsterdam në 1725. “Katër stinët” përbëhen nga katër koncerte ( pranvera , verë , vjeshtë dhe dimër ), secila në një formë të veçantë. Në thelb, ajo ishte si një poemë për natyrën, ku ai u mundua të realizonte tingujt e katër stinëve. Pranvera është një pjesë, që shpesh përdoret për ceremoni të rëndësishme dhe vazhdon të konsiderohet një nga perlat e muzikës klasike. Referuar shkrimeve, që nga botimi muzikologët e konsiderojnë “Katër stinët” e Vivaldit të jenë ndër muzikën më të guximshme të programit të shkruar ndonjëherë gjatë periudhës barok.
