Shkodra shënoi jubileun e 10-të të Ahengut shkodran, një ndër 7 kryeveprat e trashëgimisë kombëtare shpirtërore.
Përkrah emrave të njohur të muzikës qytetare shkodrane, në skenë u ngjitën edhe artistat e rinj. Ata ndërthurën aq bukur perlat e këngës qytetare, të trashëguara ndër breza.
E veçantë në këtë mbrëmje ishte edhe performanca e Ansamblit të këngëve dhe valleve Gjakovë, që erdhen si mysafir në një ditë kur dy bashkitë firmosën marrëveshjen e binjakëzimit. Ahengu shkodran është një organizim i bashkisë Shkodër me qendrën kulturore “Pjetër Gaci”.
