Në Tivar u mbajt aktiviteti ndërkombëtar i Atletikës ku shqiptari Franko Burraj siguroi dy vende të para, në disiplinën e 100 metrave dhe atë të 400 metrave.
Nëse në 400 metra Burraj është sprovuar dhe një muaj më parë ia doli të bëhej shqiptari i pare që siguroi gjysmëfinalet e Botërorit të Atletikës, tanimë shkodrani po i mëshon edhe disiplinës së 100 metrave.
Në këtë të fundit, Burraj e mbylli me kohën 10 sekonda e 67 në qindtat, për të marrë vendin e parë. Po ashtu, pasditen e djeshme ai fitoi edhe në disiplinën e 400 metrave duke e mbyllur garën në krye pas 47 sekondash e 29 të qindtash.
