Një aksident automobilistik me katër të plagosur ka ndodhur ditën e sotme në Kukës. Aksidenti ka ndodhur afër urës 16 orëshe në dalje të Rrugës së Kombit.
Automjeti tip Benz me targa AA 599TM sapo ka dalë nga autostrada është përplasur me automjetin tip Toyota me targa AB 023 KR.
Nga aksidenti janë plagosur dy pasagjerët dhe shoferi që ishin në automjetin tip Benz, gjithashtu i plagosur ka ngelur edhe drejtuesi i foristradës.
Të plagosurit janë transportuar menjëherë në urgjencën e Kukësit, ku aktualisht janë jashtë rrezikut për jetën.
Policia dhe grupi hetimor po kryen veprimet për shkaqet e aksidentit.
Vendi ku ka ndodhur aksidenti eshte i pandriçuar, ndërsa ky segment është burim aksidentesh pasi lidh tre rruge, dalja dhe hyrja e rrugës së Kombit, aksi i rrugës Kukës- Shishtavec dhe hyrja e qytetit të Kukësit.
