Një aksident është regjistruar në aksin Lezhë-Laç, pranë kryqëzimit të Shënkollit, mbrëmjen e sotme. Tre automjete janë përplasur me njëra-tjetrën, ndërsa njëra prej tyre ka përfunduar në një pikë karburanti.
Nga të dhënat e para, mësohet se tre persona kanë mbetur të lënduar. Ata janë dërguar në spital për ndihmë mjekësore.
Ndërsa grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
