Ballina Kronike Shkodër/ Vrasja e 33-vjeçarit para tre vitesh në Hot të Ri, arrestohet...

Shkodër/ Vrasja e 33-vjeçarit para tre vitesh në Hot të Ri, arrestohet i riu! Në pranga edhe një tjetër (Emrat)

Policia e Shkodrës ka finalizuar operacionin e koduar “Target”, duke vënë në pranga dy persona, njëri prej të cilëve ishte shpallur në kërkim për një vrasje të ndodhur në vitin 2023 në fshatin Hot i Ri.

Në kuadër të operacionit u kap dhe u ndalua Luçiano Mhilli, 23 vjeç, banues në Shkodër, i dyshuar si bashkautor në vrasjen e shtetasit V. F., ngjarje e ndodhur më 21 shtator 2023.

Sipas Policisë, Gjykata i kishte caktuar 23-vjeçarit masën e sigurisë “Arrest në burg” për veprat penale “Vrasja me dashje”, e kryer në bashkëpunim, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”.

Gjithashtu, në pranga ka rënë edhe Kristian Çarkaj, 26 vjeç, i cili udhëtonte në të njëjtin automjet me Mhillin. Ai dyshohet për veprat penale “Përkrahja e autorit të krimit” dhe “Prodhimi dhe shitja e narkotikëve”.

Dy të rinjtë u kapën në aksin rrugor Shkodër–Prekal, ndërsa lëviznin me një automjet tip “Opel”.

Gjatë kontrollit fizik dhe atij në banesën e 23-vjeçarit, policia gjeti sasi të dyshuara lëndësh narkotike cannabis sativa dhe kokainë. Në cilësinë e provës materiale u sekuestruan gjithashtu automjeti dhe dy telefona celularë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Enable Notifications OK No thanks