Me një vendim unanim, Këshilli Bashkiak i Fushë-Arrëzit ka votuar kundër shkrirjes së kësaj bashkie. Kryebashkiaku Hil Curri u shpreh se vendimi i këshillit duhet të respektohet dhe mund të rrëzohet vetëm nga Gjykata Kushtetuese dhe jo me vendim qeverie. Curri theksoi se edhe vetë Bashkia e Pukës ka dalë me një vendim ku e kundërshton bashkimin me Fushë-Arrëzin, ndërsa shtoi se nuk është dëgjuar komuniteti për shkrirjen e bashkisë.
Edhe këshilltarët kanë deklaruar se shkrirja e Bashkisë Fushë-Arrëz do të largonte shërbimet nga qytetarët dhe do të sillte shpopullimin e zonës. Më herët në këtë zonë ka pasur edhe një protestë nga qytetarët, që kundershtojnë propozimin e socialistëve që Fushe Arrezi të bashkohet me Puken.
