Kryeministri Edi Rama zhvilloi një inspektim në spitalin e ri rajonal në Lezhë, me ministren e Shëndetësisë, Evis Sala.
Rama tha se problem në spitale mbetet menaxhimi, teksa shtoi se duhen vendosur tarifa për turistët.
“Problemi është menaxhimi, nuk e kemi traditë menaxhimin e spitaleve siç e ka bota. Duke diskutuar me dy grupe të mëdha për të hyrë në marrëdhënie menaxhimi, për shembull Polonia ka bërë super transformim duke marrë menaxhim nga jashtë. Të dy thonë që është kyç që të ndërtohet brenda spitalit, një spital privat për mjekët e spitalit dhe të jetë pjesë e sistemit të punës së mjekëve të spitalit. Ta kenë spitalin si vendin ku janë bashkëpronarë dhe të ketë kapacitesh të ardhurash, sipas performancës. Duhet patjetër të vendosim tarifat për turistët. Duhet të rrisim kapacitetin financiar të shtetit. Këto gjëra diskutohen në bazë të një buxheti. Janë gjëra që do vijnë hap pas hapi”, theksoi ai.
Rama tha se problem në spitale mbetet menaxhimi, teksa shtoi se duhen vendosur tarifa për turistët.
“Problemi është menaxhimi, nuk e kemi traditë menaxhimin e spitaleve siç e ka bota. Duke diskutuar me dy grupe të mëdha për të hyrë në marrëdhënie menaxhimi, për shembull Polonia ka bërë super transformim duke marrë menaxhim nga jashtë. Të dy thonë që është kyç që të ndërtohet brenda spitalit, një spital privat për mjekët e spitalit dhe të jetë pjesë e sistemit të punës së mjekëve të spitalit. Ta kenë spitalin si vendin ku janë bashkëpronarë dhe të ketë kapacitesh të ardhurash, sipas performancës. Duhet patjetër të vendosim tarifat për turistët. Duhet të rrisim kapacitetin financiar të shtetit. Këto gjëra diskutohen në bazë të një buxheti. Janë gjëra që do vijnë hap pas hapi”, theksoi ai.
“Ndërkohë është e vërtetë që rritja e pagave ka qenë domethënëse për shkak se edhe rritja e ekonomisë ka qenë domethënëse. Tani që ekonomia po na ndihmon që të kemi më shumë mundësi, tani e kemi vendosur për mësuesit, ushtarakët dhe do e shtrijmë në të gjitha frontet. Besoj që do të kemi mundësi përsëri në vijim që të rrisim përsëri pagat. Spitali duket goxha mirë.
Duke qenë se unë kam një parametër të punës së institucioneve, në një farë mënyre e kam një panoramë të pakënaqësive në territor. Për spitalin e Lezhës nuk kam dëgjuar ankesa. Është e domosdoshme një projekt i ri. Jo vetëm Lezha, por çdo spital që mban ngarkesën e ambulatorit të përditshëm, ka mungesë përqendrimi nga flukset e ditës. Ajo që unë mendoj se është fantastike është centralizimi i pavionit onkologjik”, tha Rama.
