Gjatë kontrolleve të ushtruara në lagjen “10 Korriku”, u zbulua një ambient (tunel), në oborrin e një banese të marrë me qira nga shtetasi Arvid Papajanis, i cili ishte përshtatur për kultivimin e bimëve narkotike me anë të llambave dhe pajisjeve të posaçme që furnizoheshin me lidhje të paligjshme të energjisë elektrike.
Nga kontrollet në këtë ambient u sekuestruan në cilësinë e provës materiale:
-
555 fidanë dhe 115 bimë të dyshuara narkotike kanabis (670 në total);
-
126 llamba ndriçimi;
-
80 pajisje inventari;
-
31 panele LED;
-
17 filtra ajri.
Në flagrancë u arrestuan shtetasit Arvid Papajanis, 35 vjeç, banues në Shkodër, dhe Klodian Hasanaj, 30 vjeç, banues në fshatin Degë, Tropojë, të cilët u kapën në ambientin e përshtatur si tunel.
Gjithashtu, u vu në pranga edhe shtetasi Dritan Selmani, 40 vjeç, banues në Shkodër. Ndërkohë, nisi procedimi penal ndaj tre punonjësve të OSHEE për veprën penale “Shpërdorimi i detyrës”, kryer në bashkëpunim.
Ky është rasti i 14-të i goditur në kuadër të operacionit “Neonët”.
Materialet procedurale iu referuan Prokuroria e Shkodrës për veprime të mëtejshme, ndërsa vijon puna për dokumentimin e plotë të kësaj veprimtarie kriminale.
