Deputeti Bardh Spahia ka reaguar pas lajmit të ndarjes para kohe nga jeta të Ipeshkvit të Sapës, Imzot Simon Kullit, duke e cilësuar atë një bari të përkushtuar dhe një zë të urtësisë e qetësisë në komunitet. Ai theksoi kontributin e Imzot Kullit në jetën shpirtërore, në mbështetjen e të rinjve dhe familjeve, si dhe rolin e tij në forcimin e vlerave shoqërore. Spahia i përcolli ngushëllimet më të sinqerta familjes dhe gjithë besimtarëve katolikë, duke uruar që kujtimi i Ipeshkvit të mbetet i paharruar.
Statusi i Plote:
I trishtë ishte lajmi i mëngjesit të kësaj të shtune, për ndarjen para kohe nga jeta, të Ipeshkvit të Sapës, Imzot Simon Kullit. Ai ishte një bari i përkushtuar, një zë i qetësisë dhe i urtësisë, që shërbeu me përulësi e dashuri ndaj njerëzve dhe komunitetit. Imzot Kulli do të kujtohet për veprën e tij të palodhur pastorale, për përkushtimin ndaj të rinjve dhe familjeve, si dhe për kontributin e tij në forcimin e vlerave shpirtërore e shoqërore në vendin tonë. Ngushëllimet më të sinqerta familjes, komunitetit të dioqezës së Sapës dhe të gjithë besimtarëve katolikë. Qoftë i paharruar kujtimi i tij dhe i lehtë udhëtimi drejt paqes së amshuar.
