Alma Mehmetaj është emëruar në krye të Shërbimit Social Shtetëror në Shkodër, duke zëvendësuar Daniela Jakon. Ky vendim vjen si pjesë e ristrukturimeve që po zhvillohen në institucionet lokale pas zgjedhjeve të fundit.
Burime brenda strukturave të Partisë Socialiste bëjnë të ditur se këto lëvizje janë pjesë e një procesi më të gjerë “pastrimesh” dhe riorganizimesh në radhët e tyre, me synim forcimin e drejtimit dhe rritjen e efikasitetit të institucioneve në nivel vendor.
Ndryshimet pritet të vijojnë edhe në sektorë të tjerë, ndërsa emërime të reja janë paralajmëruar në disa drejtori të rëndësishme të Shkodrës.
