Vizitat në sitet kulturore të Shqipërisë bëhen më të lehta se kurrë. Ministri i Turizmit, Kulturës dhe Sportit, Blendi Gonxhja, njoftoi sot nisjen e shërbimit të ri elektronik që mundëson blerjen online të biletave për muzetë, kalatë dhe parqet arkeologjike përmes platformës e-Albania.
“Nga sot, qytetarët dhe turistët mund të blejnë biletat e tyre pa radhë, thjesht përmes telefonit ose kompjuterit, duke përfituar një eksperiencë më të shpejtë dhe moderne për vizitat kulturore në vend”, tha ministri Gonxhja. Ky i fundit sqaroi më tej hapat që do ndiqen për blerjen e biletës.
“Zgjidhni “Biletaria online për sitet kulturore” në e-Albania; caktoni sitin që dëshironi të vizitoni; përzgjidhni llojin e biletës; kryeni pagesën online”, sqaroi Gonxhja. Ministri theksoi se bileta vjen menjëherë në e-mail dhe është e vlefshme për 1 muaj.
Nëpërmjet këtij shërbimi mund të vizitohen:
Muzeun Kombëtar “Gjergj Kastrioti Skënderbeu”, Krujë
Muzeun Kombëtar Etnografik, Krujë
Muzeun Kombëtar Ikonografik “Onufri”, Berat
Muzeun Kombëtar të Fotografisë “Marubi”, Shkodër
Kalaja e Shkodrës
Kalaja e Gjirokastrës
Parku Kombëtar Arkeologjik Apolloni, Fier
