Një ngjarje e pazakontë dhe tronditëse ka ndodhur dy ditë më parë në fshatin Sektor të Velipojës, ku një 44-vjeçar ka kallëzuar në polici se në kangjellat e portës së banesës së tij është gjetur e varur një kurorë funerale, e njëjta që zakonisht vendoset mbi varre. Burime policore bëjnë me dije se kurora i është vendosur banesës së prindërve të kreut të IKMT EMILJAN NIKA. Ky dyshohet të jetë një paralajmërim për të pas aksionit kundër prishjes së ndërtimeve pa leje në Theth!
Njoftimi i policisë:
Më datë 18.07.2025, shtetasi Emiljan Nika, 44 vjeç, banues në Shkodër, ka kallëzuar se në banesën ku jetojnë vetëm prindërit e tij, në fshatin Sektor, Velipojë, në pjesën e jashtme të banesës, mbi kangjellat e portës, ka konstatuar një kurorë me lule. Po punohet për sqarimin e rrethanave të rastit, identifikimin dhe kapjen e autorit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
