Nje çift bashkëshortësh kanë mbetur të plagosur ditën e sotme në aksident rrugor (27 maj).
Ngjarja ndodhi pasi motoçikleta me të cilën po udhëtonin, humbi kontrollin dhe u përplas me një shtyllë ndriçimi rrugor.
Aksidenti ndodhi në superstradën Lezhë-Milot, në afërsi të “Kryqëzimit të Rrilës”. Të plagosurit janë dërguar në Spitalin e Lezhës, nga ku mësohet se ndodhen nën kujdesin e bluzave të bardha dhe jashtë rrezikut për jetën.
Ndërkohë policia vendore, e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti.
