Gara për drejtues qarqesh në Policinë e Shtetit, shprehin interes shumë aplikantë. Deri më tani kanë aplikuar mbi 35 kandidatë që kanë dorëzuar dokumentacionet për postet e 12 drejtuesve të qarqeve në Polici bejne me dije burimet per newspower.al
Shumica e aplikantëve mbajnë postet e nëndrejtorëve në Drejtoritë e qarqeve. Sa i përket drejtuesve aktualë, deri më tani konfirmohet se kanë aplikuar:
-Alfred Elezaj, aktualisht drejtues i policisë së Lezhës.
-Tonin Vocaj, aktualisht drejtues i policisë Tiranë.
-Gjovalin Loka, aktualisht drejtues i Policisë Korçë.
-Ardian Çipa, aktualisht drejtues i policisë së Gjirokastrës.
-Skënder Hitaj, aktualisht drejtues i policisë Durrës.
-Lorenc Panganika, aktualisht drejtues i Policisë së Fierit.
-Ermal Muça, aktualisht drejtues i Policisë Vlorë
Ende nuk dihet se për çfarë drejtorie kanë aplikuar, atë aktualen që drejtojnë apo për në qarqe të tjera. Deri tani konfirmohet që nga drejtuesit aktualë nuk kanë aplikuar në garë drejtuesi i qarkut të Shkodrës, Edmond Sulaj, ai i Beratit, Kastriot Skenderaj.
Aplikimet mbyllen sot në orën 16:30, ku aplikantët duhet të dorëzojnë në Drejtorinë e Përgjithshme shprehjen e interesit për të marrë pjesë në garë.
