Sulmet kibernetike po njohin rritje vitet e fundit në Shqipëri, ku vetëm për vitin 2024 janë regjistruar 20 të tilla, ndërsa në 2 vite plot 69. Shifrat u bënë publike nga Floreta Faber, zv drejtore e përgjithshme e Autoritetit Kombëtar për Sigurinë Publike gjatë një trajnimi të zhvilluar në Shkodër me punonjës të administratës publike. Trajnime të tilla synojnë rritjen e ndërgjegjësimit për rreziqet digjitale dhe përmirësimin e aftësive për mbrojtjen nga sulmet kibernetike.
Eksperti ndërkombëtar Besnik Limaj deklaroi se 70% e sulmeve kibernetike vijnë nga pakujdesia individuale e punonjëse, ndaj Shqipëria duhet të forcojë ekipet mbrojtëse të sigurisë kibernetike.
Autoriteti Kombëtar për Sigurinë Kibernetike në bashkëpunim me CRDF Global dhe me mbështetjen e Departamentit Amerikan të Shtetit, ka trajnuar deri më tani 2400 individ në qytetet kryesore të vendit.
