Policia Kufitare e Muriqanit ndaloi në hyrje të Shqipërisë, shtetasin italian V. F., 61 vjeç, banues në Itali, pasi nga verifikimet e kryera rezultoi se ishte shpallur në kërkim për veprën penale “Vjedhja”. Veprimet e tjera do të kryhen nga Komisariati i Policisë Rinas, që e kishte shpallur në kërkim këtë shtetas.
Sektori i Policisë Rrugore i DVP Shkodër arrestoi shtetasit:
-Y. D., 65 vjeç, banues në fshatin Mjedë, pasi u kap duke drejtuar automjetin, në gjendje të dehur;
-D. Z., 34 vjeç, banues në Velipojë, pasi u kap duke drejtuar motomjetin, pa leje drejtimi.
Seksioni për Hetimin e Trafiqeve referoi materialet në Prokurori, ku filloi procedimi penal për shtetasin E. L., 36 vjeç, banues në fshatin Kuç, pasi posedonte një automjet që rezulton i vjedhur në Austri.
•Komisariati i Policisë Shkodër referoi materialet në Prokurori, ku nisi procedimi penal për shtetasen V. F., 65 vjeçe, banuese në Shkodër, pasi ka bërë kallëzim një shtetase, se 65-vjeçarja i ka pushtuar një kioskë në Shirokë dhe e ka kanosur.
•Më datë 10.07.2024, shtetasi B. G., 69 vjeç, ka kallëzuar se kanë tentuar t’i vjedhin disa pajisje shtëpiake dhe një biçikletë, të cilat janë gjetur në rrugën para banesës dhe u sekuestruan në cilësinë e proves materiale. Punohet për identifikimin dhe kapjen e autorit/ëve të këtij rasti.
-Ditën e djeshme, shtetasi E. K., 20 vjeç, ka kallëzuar se i kanë vjedhur motomjetin e tij, në rrugën “Vasil Shanto”. Po punohet për identifikimin dhe kapjen e autorit/ve, si dhe për dokumentimin e plotë të rastit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
