Fjala e kryeministrit, Edi Rama në konferencën e përbashkët nga Turqia, me presidentin, Tayip Erdogan ka nisur mes batutash.
Kreu i qeverisë vuri theksin tek tre momente, ku Turqia ka dhënë ndihmë për popullin shqiptar, duke nënvizuar rastin e tërmetit dhe atë të pandemisë. Rama shtoi se populli shqiptar është mirënjohës ndaj ndihmës së vazhdueshme të Turqisë.
“Faleminderit për fjalët e ndoshta të një miqësie të posaçme, por e kam të pamundur që të mos bëj një sqarim, që ne nuk kemi vënë bast për spitalin se bastet në Turqi janë të ndaluara me lidh ndërsa në shqipërim lejohen vetëm online. Unë e mbaj mend që ju kam thënë që nuk vë bast, por me shqiptarët, që dinë se fjala e tij u tha dhe u bë. Edhe ju e fituat bastin me shqiptarët.
Për këtë ë dua të ju falënderoj për mikpritjen. Besoj që sa herë flitet në këtë nivel për marrëdhëniet me Shqipërinë, shqiptarët, Shqipëria dhe Kosova nuk mund të harrojmë tre gjëra që mbeten në kujtesën tonë kombëtare, e parë falë jush dhe qeverisë suaj, Kosova u njoh si Republikë e pavarur pak minuta pasi parlamenti shpalli pavarësinë, e dyta kur Shqipëria u godit nga një tërmet me pasoja jashtëzakonisht të rëndë, ju ishit i pari që komunikuar me mua më thatë që sa të jetë Turqia.
Shqipëria nuk do të jetë kurrë vetëm dhe morët iniciativën publike për fillimin e ndërtimit të 500 apartamenteve të reja, dhe e treta kur Shqipëria populli së bashku me popujt e Ballkanin Perëndimor u ndjemë si peshku pa ujë, momenti kur bota u godit nga corona dhe teksa shikonim nëpër ekranet e televizioneve fillimin e vaksinimit në Evropë, nëse nuk do të ishte Turqia dhe nëse nuk do të ishit ju personalisht, kushedi sa njerëz do të kishin humbur jetë. Këto momente janë mes jetës dhe vdekjes që nuk harrohen kurrë. Ju përmendët spitalit, por përpos tij që e ndritët në një rekord, nuk është ky rekordi i vetëm i juaji.
Ajo që është më e rëndësishme është që ai spital është një pikë referimi gjithnjë më i dëshiruar për ata që kërkojnë kurim. Na vjen mirë që shohim progres me angazhimin e fondacionit “Marif” në Shqipëri, por mezi presim që të materializohet projekti që do të sjellë Universitetin Teknik të Stambollit në Tiranë, një xhevahir i ekselencës turke në arsim. Kemi bërë progres dhe jemi në vullnet të plotë për të bërë më shumë në fushën e mbrojtjes dhe sigurisë, jam shumë i kënaqur që përveçse vitin e shkuar Shqipëria arriti numrin rekord në turizëm, nga qytetarët turq u rrit me 30%. Unë jam i bindur që ju nuk mërziteni që turistët turq nuk shkojnë në Antalia por vijnë në Shqipëri. Faleminderit për lejet e drejtimit qe juve i miratuat dhe shqiptarët të lëvizini lirisht. Në këtë rast na i miratuat pas Gjermanisë por e mirëkuptoj vonesën”, u shpreh Rama.
Marrëveshje dhe Memorandume të firmosura sot në kuadër të forcimit të mëtejshëm të bashkëpunimit mes Shqipërisë dhe Turqisë
1. Memorandum Mirëkuptimi ndërmjet Ministrisë së Turizmit dhe Mjedisit të Republikës së Shqipërisë dhe Ministrisë së Mjedisit, Urbanizimit dhe Ndryshimeve -Klimatike të Republikës së Turqisë për bashkëpunim ne fushën e mjedisit.
2. Memorandum Mirëkuptimi ndërmjet Ministrisë së Turizmit dhe Mjedisit të Republikës së Shqipërisë dhe Ministrisë së Bujqësisë dhe Pyjeve të Republikës së Turqisë për menaxhimin e qëndrueshëm të pyjeve dhe zonave të mbrojtura.
3. Marrëveshje ndërmjet KM të RSH dhe Qeverisë së Republikës së Turqisë mbi statusin e zyrës së koordinimit të programit TIKA Tirana.
4. Marrëveshje kuadër ushtarake ndërmjet Këshillit të Ministrave të Republikës së Shqipërisë dhe Qeverisë së Republikës së Turqisë.
5. Memorandum Mirëkuptimi ndërmjet Qeverisë së RSH dhe Qeverisë së Republikës së Turqisë në Fushat e Medias dhe Komunikimit për komunikimin dhe informimin publik.
6. Protokoll Bashkëpunimi midis Korporatës Turke të Radio Televizionit dhe Radio Televizionit Shqiptar.
