Kreu i Partisë Demokratike, Sali Berisha, vijon akuzat ndaj kryeministrit Edi Rama për shpopullim të vendit. Ai ka postuar një foto në të cilën shihen dhjetëra të rinj në malet e Francës, në pritje për të kaluar kanalin drejt Anglisë.
“Edi Rama po e shkreton kombin. Lexoni mesazhin, shikoni foton e qytetarit dixhital. Pershendetje Dr Berisha! Kjo foto eshte bere sot ne mengjes nga miqte e mij kuksiane qe jane ne malet e Frances” shkruan Berisha.
Britania e Madhe do të punojë në partneritet me Shqipërinë për të parandaluar emigrantët e parregullt shqiptarë që hyjnë në vend me gomone të vogla përgjatë Kanalit të Manshit dhe për të dëbuar ata që kalojnë ilegalisht
Shqipëria i ka premtuar Britanisë se do t’i japë mbështetje të nivelit të lartë të forcave të zbatimit të ligjit për të ndihmuar në dëbimin e shpejtë të atyre që mbërrijnë në Britani me gomone të vogla.
Gjithashtu theksohet se autoritetet shqiptare do të ofrojnë informacion dhe procedura mbështetëse për autoritetet britanike.
