Pasditen e djeshme, gjatë patrullimeve në zonë, shërbimet e Policisë Kufitare të SPK Bajzë kanë parë në vendin e quajtur “Peperan”, 1 shtetas (dyshohet emigrant nga Vendet e Treta) që kërkonte ndihmë, pasi ishte dëmtuar në këmbë, nga rrëzimi në pyll.
Shërbimet e Policisë kanë ndihmuar menjëherë këtë shtetas, për transportimin deri në një zonë të përshtatshme për autoambulancën, e cila e ka transportuar atë, në spital, për ndihmë mjekësore.
Ky shtetas është jashtë rrezikut për jeten! Po kryhen verifikime për ta identifikuar atë dhe për të dokumentuar ligjërisht rrethanat e rastit.
