Kjo e mërkurë ishte dita e fundit kur maturantët janë konsultuar me mësuesit për temat që përftuan prej shtatorit
Më 1 qershor ata do të zhvillojnë provimin e parë të maturës shtetërore.
Provimi i parë do të jetë ai i anglishtes, i cili këtë vit do të zhvillohet në ambiente të mëdha. Testi do të përmbajë 25 pyetje, nga të cilat 13 kërkesa janë me përgjigje alternative, që vlerësohen nga 1 pikë secila dhe 12 pyetje janë me zhvillim, që vlerësohen me 37 pikë. Testi do të vlerësohet maksimalisht me 50 pikë.
Cdo maturant duhet të paraqitet 1 orë e 30 minuta përpara fillimit të provimit së bashku me dokumentin e identifikimit.
risi këtë vit është dhe monitorimi i studentëve nga kamerat gjatë provimit e cila ka si qëllim të vëzhgojë dhe dokumentojë të gjithë procesin e provimit, duke rritur transparencën.
Nga ana e institucioneve përgjegjëse janë marrë të gjitha masat për mbarëvajtjen e provimit.
Pas provimit të gjuhës së huaj maturantët do të japin dhe me datë 7 qershor provimin e Gjuha Shqipe, më datë 13 qershor të Matematika dhe të fundit atë të lëndës me zgjedhje kanë për ta zhvilluar më 19 qershor.
