Agjencia e Mbikëqyrjes Policore, e rajonit Fier-Berat, ka ndaluar punonjësin e Policisë së Shtetit, Inspektor Dritan Nano, në Komisariatin e Policisë Skrapar, pasi dyshohet për veprën penale “Mbajtja pa leje, prodhimi i armëve shpërthyese dhe municionit”.
Ndalimi u krye pas denoncimit të një gazetareje, se në qytetin e Çorovodës ky shtetas shiste armë, kundrejt vlerës monetare prej 50 mijë lekësh.
Pas verifikimeve të kryera nga AMP, janë administruar aktet proceduriale si dhe prova materiale, 1 armë zjarri luftarake e fabrikuar, e llojit automatik.
