Brigjeve të Bunës erdhi në edicionin e tij të tretë, Sanfest!
Muzika pop dance / house e luajtur nga artistë vendas dhe të huaj krijuan një atmosferë të magjishme në natyrë, për mijëra qytetarët vendas e të huaj që ju bashkuan festës
Në festival performuan muzikën më të pëlqyer të momentit, Dj vendas dhe ndërkombëtarë si Hektor Jubani, Ad Disha, Yass, Tattu, Onloooop, Mr Cool, të cilët ndezën kryeqendrën e veriut
SanFest promovon talentet e rinj të muzikës dhe organizatorët e tij synojnë që ky festival të mbahet çdo vit në maj me qëllim që në tri ditë të festivalit Shkodra të shndërrohet në kryeqendrën e turizmit shqiptar, për të promovuar natyrën e bukur, vlerat e trashëgimisë monumentale, historike dhe kulturore, si dhe operatorët turistikë vendas, të cilët u ofrojnë shërbim vizitorëve vendas e të huaj përgjatë ditëve të festivalit. Bashkia Shkodër ka mbështetur organizimin e festivalit duke synuar ta kthejë në një event me përmasa rajonale e më gjërë.
