Kavaja u trondit mbrëmjen e sotme nga vrasja e dy personave.
Edmond Gosa dhe Altin Rexha mësohet se kanë pasur një konflkikt çasti mes tyre dhe më pas kanë goditur njëri-tjetrin.
Njëri ka qëlluar me pistoletë dhe tjetri ka qëlluar me thikë dhe për pasojë të dy personat e përfshirë në konflikt kanë humbur jetën.
Mësohet se me armë ka qëlluar Altin Rexha nga Kukësi ndërsa me thikë Edmond Gosa nga Kavaja.
“Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi Edmond Gosa 43 vjeç, ka plagosur me thikë shtetasin Altin Rexha, 43 vjeç, ndërsa ky i fundit ka plagosur me armë zjarri shtetasin Edmond Gosa.Si pasojë e plagëve të marra të dy shtetasit e përfshirë në konflikt, kanë ndërruar jetë në spital” njoftoi policia.
Grupi hetimor ndodhet në vendngjarje dhe po punon për sqarimin e rrethanave të ngjarjes.
