Ende nuk janë zbardhur shumë detaje në lidhje me vrasjen e efektivit Muhamed Lika i cili, mbeti i vrarë mbrëmjen e djeshme në hyrje të banesës së tij në Kaçanik. Autori i ngjarjes është ende në arrati, ndërkohë që ende nuk dihen as shkaqet që e çuan atë drejt aktit të rëndë.
Rreshteri Muhamet Lika u qëllua për vdekje mbrëmjen e së martës në Kaçanik, incidenti dyshohet të ketë ndodhur rreth orës 23:00, në afërsi të banesës së tij në rrugën “Idriz Seferi”.
Viktima Lika ishte duke hyrë ndërtesën ku banon, në momentin kur ndodhi sulmi me armë.
Efektivi u transportua për në spital, por nuk mundi t’u mbijetonte do plagëve të marra.
