Kryeministri Edi Rama vijon të këmbëngulë se Shqipëria është më pranë se kurrë më parë antarësimit në Bashkimin Europian.
Në përgjigje të komentuesve në rubrikën ‘Sy më sy’, Kreu i qeverisë u ndal te imazhi që Shqipëria duhet të ketë dhe rëndësia e integrimit në BE.
“Si pjesë e BE-së, liria jonë do të jetë përfundimisht e garantuar, barazia e paprekshme dhe standardi i bashkëjetesës demokratike përfundimisht i pakthyeshëm në institucione. Pasaporta e BE-së do të na çlirojë njëherë e mirë nga pesha e diskriminimit.”, tha Rama.
Rama beson se bashkimi me familjen Europiane do të ndihmojë shumë ekonominë dhe do të rrisë investimet.
Për 10 vjet morëm 1 miliard euro; me hyrjen në BE, të njëjtën mbështetje, vlerën prej më shumë se 1 miliard eurosh do ta marrim çdo vit, 300 milionë euro minimumi në vit për bujqësinë.
Për të mundësuar Shqipërinë në BE dhe për të qenë të barabartë me shtetet e tjera anëtare, Rama tha se më 11 maj duhet të votohet vetëm Partia Socialiste.
