Klubi i Futbollit Vllaznia ka zyrtarizuar sot emërimin e Vioresin Sinanit në postin e drejtorit sportiv. Lajmi është bërë i ditur përmes një komunikate për shtyp, ku konfirmohet se legjenda e klubit do të marrë këtë detyrë që nga dita e sotme dhe në vijim.
Me një karrierë të shkëlqyer si futbollist, Sinani konsiderohet një nga emrat e mëdhenj në historinë e Vllaznisë dhe futbollit shqiptar. Tashmë, ai merr në klub një rol të rëndësishëm drejtues, ku pritet të kontribuojë me përvojën dhe vizionin e tij për zhvillimin e mëtejshëm të ekipit.
“𝐒𝐮𝐤𝐬𝐞𝐬𝐞 𝐧𝐞̈ 𝐝𝐞𝐭𝐲𝐫𝐞̈𝐧 𝐞 𝐫𝐞 𝐥𝐞𝐠𝐣𝐞𝐧𝐝𝐚 🔴🔵!” – thuhet në përfundim të komunikatës së klubit shkodran.
Emërimi i Sinanit shënon një hap të rëndësishëm në strategjinë e re të Vllaznisë për të ndërtuar një strukturë më të fortë dhe më konkurruese për të ardhmen.
