Vllaznia e vajzave ka arritur një fitore të rëndësishme në finalen e “play-off”-it të Ligës së Kampioneve, duke mundur Rejsing Luksemburg me rezultatin 3-1. Ndeshjae luajtur në stadiumin “Loro Boriçi”, ishte e gjitha nën kontrollin e vajzave shkodrane, që vendosën fatin e këtij takimi që në 45 minutat e para me 3 golat e shënuar nga Bajraktari, Doçi dhe Deda, që siguruan kalimin në “Europa Cup”, duke bërë detyrën përballë një kundërshtari të fortë. Racing Union arriti të shënojë vetëm një gol në fund të takimit me Coraline Corplet, dhe ndeshja u mbyll 3-1 në favor të Vllaznisë. Ky sukses i jep mundësinë Vllaznisë të bashkohet me Partizanin, i cili kishte siguruar tashmë një vend në “Europa Cup” si ekipi i dytë. Shorti për këtë raund është planifikuar më 31 gusht.
