Një padi e re në SPAK i shtohet në fund të 2025-es, zv/kryeministres dhe ministres së energjisë dhe infrastrukturës Belinda Balluku dhe 3 vartësve të saj. Janë banorët e Postribës që dorëzuan këtë padi me akuzën e ndotjes së ujit nga gurorja, një problematikë e ngritur prej kohësh nga banorët. E pas Ballukut banorët lajmërojnë një tjetër padi në nisje të vitit të ri 2026, këtë herë për kryebashkiakun Benet Beci.
Protestat, daljet publike dhe denoncimet e këtyre banorëve deri më sot kanë rënë në vesh të shurdhët, ndërsa problematika me ujin vijon prej vitit 2017.
