Hetuesit e Zyrës Evropiane Kundër Mashtrimit (OLAF) hynë në ambientet e Sekretariatit të Këshillit të Bashkëpunimit Rajonal (RCC) në Sarajevë javën e kaluar, si pjesë e hetimit për mashtrimin e pretenduar të tenderëve dhe dyshimet për parregullsi të tjera në punën e organ ekzekutiv i kësaj organizate ndërkombëtare.
Kështu së paku raporton “Vijesti” nga disa dokumente dhe burime të afërta diplomatike me hetimin.
Në qarqet diplomatike, spekulohet se hetimi i OLAF-it, i cili u hap në mars të këtij viti, po kontrollon nëse janë keqpërdorur disa qindra mijëra euro gjatë vitit të kaluar dhe këtë vit për shkak të shkeljes së procedurave për prokurimin publik të mallrave dhe shërbimeve, e korrupsion.
Në një nga tenderët e kontestuar për shërbimet e konsulencës, pretendohet se menaxhmenti i Sekretariatit, i drejtuar nga ish-politikania shqiptare Majlinda Bregu që prej janarit 2019, ka urdhëruar që kontrata t’i jepet një kompanie nga Shqipëria që nuk ka kaluar renditjen e komisionit të brendshëm, dhe jo një nga dy kompanitë nga vendet e tjera të rajonit që plotësonin kërkesat.
Dyshohet se po shqyrtohet edhe rregullsia e disa tenderëve të tjerë, përfshirë organizimin e konferencave në rajon, si dhe për prokurimin e mallrave dhe shërbimeve. Gjithashtu spekulohet se dhënia e granteve është nën vëzhgimin e hetuesve të OLAF.
“Të krijohet përshtypja se kompanitë, organizatat dhe konsulentët nga Shqipëria favorizohen në mënyrë të pajustifikueshme në shumë tendera”, tha për “Vijesti” një burim diplomatik, i cili dëshiron të mbetet anonim për të komentuar hapur.
“Vijesti” mësoi nga Ministria e Punëve të Jashtme të Malit të Zi, e cila kryeson procesin e bashkëpunimit në Evropën Juglindore që nga 1 korriku, se Sekretariati i RCC -së, zyrtarisht ka konfirmuar gojarisht se javën e kaluar që hetuesit e OLAF ndodhen në ambientet e Sekretariatit.
OLAF nuk e ka konfirmuar apo mohuar ekzistencën e hetimit për “Vijesti”, as nuk është përgjigjur në pyetjet për fazën e tij, cili ka qenë vendimi për rezultatet e hetimit nëse kanë bërë një të tillë dhe nëse e kanë përcjellë atë tek institucionet kompetente.
OLAF është kompetente për të hetuar mashtrimin, korrupsionin dhe akte të tjera që prekin interesat financiare të Bashkimit Evropian, në lidhje me shpenzimin e parave të taksapaguesve të BE-së, duke përfshirë ndihmën e huaj, si dhe dyshimet për abuzime serioze nga punonjësit e BE-së dhe institucioneve të saj.
Bregu nuk iu përgjigj pyetjeve të “Vijesti” në lidhje me parregullsitë e pretenduara dhe hetimin, nëse ajo dhe zëvendësja e saj Tanja Miščević kanë marrë pjesë në ndonjë mënyrë në procedurat e prokurimit publik nën hetim nga OLAF, nëse janë dëgjuar në hetim dhe në çfarë cilësie, dhe nëse ata e informuan për parregullsitë e supozuara dhe hetimin.
