Ky është momenti kur 41 vjecari nga Tropoja, Seb Ponari mbërrin në tokën shqiptare pasi ka përshkuar mbi 2600 km, në udhëtimin e tij që ka nisur me 10 Maj në Cambridge, Angli dhe mbyllet në vendlindje, ku do të shënohet kilometri i 2750.
Bashkëshoqëruesit e tij në këtë udhëtim sfidues kanë qënë shoferi i rulotit, i cili është gjithashtu dhe fizioterapist shqiptar, trajneri i vrapit nga Qipro si dhe dy persona të tjerë nga Shqipëria. Udhëtimin Ponari ja dedikon jo vetëm babait të ndjerë, por edhe një kauze më të madhe, shëndetit mendor. Ky i fundit tregon se edhe vetë ka patur vështirësi me të cilat i është dashur të përballet.
Pas Tropojës, udhëtimin synon ta zgjasë edhe drejt jugut të Shqipërisë, këtë herë për të prekur territorin e vendit të tij, atje ku edhe do të pushojë disa ditë.
Pritja e tij në Han të Hotit ishte e vecantë, ku familjarë dhe miq e pritën në një atmosferë festive.
