Drejtoria Vendore e Policisë Shkodër
Specialistët për Hetimin e Krimeve të Statcionit të Policisë Velipojë arrestuan shtetasin A. Gj(Sh)., 41 vjeç, banues në Velipojë, për veprën penale “Veprime në kundërshtim me vendimin e gjykatës”, pasi ka ushtruar dhunë psikologjike në prani të fëmijëve të mitur ndaj kunatës së tij, e cila ishte e pajisur me urdhër mbrojtjeje.
Specialistës e Sektorit të Qarkullimit Rrugor arrestuan në flagrancë shtetasit:
-K. U., 64 vjeç, banues në fshatin Bardhaj, pasi u kap duke drejtuar automjetin pa leje drejtimi;
-G. H., 59 vjeç, banues në fshatin Boks, pasi ditën e djeshme në rrugën Studenti, duke drejtuar automjetin e tij, është përplasur me biçikletën me të cilën lëvizte shtetasi B. K., 69 vjeç. Si pasojë është dëmtuar shtetasi B. K., i cili ndodhet nën kujdesin e mjekëve në Spitalin e Traumës në Tiranë.
Specialistët për Hetimin e Krimeve të Komisariatit të Policisë Shkodër referuan materialet në Prokurori, në ngarkim të shtetasit N. M., 59 vjeç, pasi dyshohet se me datën 03.04.2025, ka vjedhur disa bizhuteri dhe një sasi vlerash monetare, në banesën në pronësi të shtetasit O. H., 40 vjeç, në fshatin Zues.
-Më datë 04.04.2025, shtetasi F. Ll., 64 vjeç, ka kallëzuar se në dyqanin e tij, në fshatin Shkoz, Pukë, i kanë vjedhur disa produkte ushqimore. Punohet për identifikimin dhe kapjen e autorit/ve.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
