E diela e fundit e këtij tetori shënon ndryshimin e orës. Akrepat do të shkojnë 60 minuta mbrapa në orën tre të natës.
Kjo zhvendosje bëhet për të shfrytëzuar më shumë dritën e diellit. Si pasojë, nata do të jetë më e gjatë dhe dita më e shkurtër.
Ora dimërore do të zgjasë deri të dielën e fundit të muajit mars 2024, kur akrepat do të kthehen në orën verore.
Vendimi për ndryshimin e orës u mor në vitin 1981 me synim minimizimin e konsumimit të energjisë elektrike dhe shfrytëzimin e energjisë diellore.
